კოსმოსში 3D-ბეჭდვა წარმოების ტესტირების მნიშვნელოვან ეტაპს გადის

კოსმოსური ხომალდებისა და მასთან დაკავშირებული აღჭურვილობის წარმოებისთვის პერსპექტიული მომავალი ნულოვან გრავიტაციაში.

3D-ბეჭდვის სამყარომ წარმოების სრულიად ახალი ერა გახსნა. თუმცა, კოსმოსში 3D-ბეჭდვის მაგალითების პოვნა ჯერ კიდევ რთულია. ეს, ძირითადად, 3D-ნაბეჭდი მასალების არასტაბილურობითა და აეროკოსმოსურ სფეროში ექსტრემალური საიმედოობის საჭიროებითაა განპირობებული. მაგრამ, კომპანია Horizon Microtechnologies-მა ცოტა ხნის წინ წარმატებით გაიარა ტესტირების სტანდარტები, რომლებიც კოსმოსურ ინდუსტრიაში გამოყენებული მასალების საიმედოობის უზრუნველსაყოფად არის დაწესებული — რაც კოსმოსში მეტი 3D-ნაბეჭდი კომპონენტის დანერგვასთან ერთი ნაბიჯით გვაახლოებს.

3D-ნაბეჭდმა მასალებმა გაზების გამოყოფის (outgassing) ტესტები გაიარა. მასალები უნდა აკმაყოფილებდეს სპეციფიკურ მოთხოვნებს, რათა კოსმოსში გასამგზავრებლად დამტკიცდეს, ECSS-Q-ST-70-02C სტანდარტის შესაბამისად, რომელიც კოსმოსური სტანდარტიზაციის ევროპული თანამშრომლობის მიერაა დადგენილი.

კომპანიამ ამ შთამბეჭდავ შედეგს 3D-ნაბეჭდი კომპონენტების სპეციალური საფარით დაფარვით მიაღწია. Horizon Microtechnologies-ის CEO-მ, ანდრეას ფროლიხმა, წარმატებული შედეგების მიმართ ენთუზიაზმი გამოხატა.

გაზების გამოყოფის ტესტირების პროცესი, კერძოდ, იმის დასადგენად გამოიყენება, თუ რა რაოდენობის აქროლადი მასალა გამოიყოფა ან/და ხელახლა შეიწოვება მოცემული კომპონენტის მიერ. ეს ტესტირება ასევე ამოწმებს ნებისმიერ ჯვარედინ დაბინძურებას ახლომდებარე საგნებთან, რომლებმაც, შესაძლოა, გამოყოფილი ნაწილაკები შეიწოვონ.

ეს ნიშნავს, რომ ჩვენ, სავარაუდოდ, ვიხილავთ მეტ 3D-ნაბეჭდ აპარატურას მომავლის კოსმოსურ ტექნოლოგიებში, მათ შორის, ხომალდებში, სატელიტურ აპარატურასა და სხვა. ცოტა ხნის წინ, საერთაშორისო კოსმოსურ სადგურზე (ISS) ჩატარდა ტესტები, რომლის დროსაც ასტრონავტებმა მიკროგრავიტაციაში 3D-ობიექტები დაბეჭდეს.

კოსმოსში 3D-ბეჭდვის უპირატესობა, უმთავრესად, ნაწილის დამზადების შესაძლებლობაა, სადგურზე რაკეტის გაშვების ხარჯის გარეშე. უბრალოდ, ხსნი საბეჭდი ძაფის კოჭას, ტვირთავ „სლაისერში“ და ბეჭდავ სასიცოცხლოდ მნიშვნელოვან ნაწილს.

ITNEWS-ის მეგობარი ვებ-გვერდია ITJOBS.GE. ITJOBS.GE-ზე ორგანიზაციებს და ფიზიკურ პირებს, აქვთ საშუალება განათავსონ როგორც ვაკანსები, ტრენინგები და ივენთები ასევე კონკრეტული Tech დავალებები, რისთვისაც ეძებენ დეველოპერებს, დიზაინერებს, სეო სპეციალისტებს და ა.შ. ITJOBS.GE - იპოვე დასაქმების საუკეთესო შესაძლებლობები ან გამოაქვეყნე ვაკანსია / დავალება და მიაწვდინე ხმა სასურველ აუდიტორიას.