როგორ მიიღო Hemlock Semiconductor-მა CHIPS Act-ის $325-მილიონიანი ჯილდო საპრეზიდენტო არჩევნებამდე რამდენიმე კვირით ადრე

ამ „მერყევ შტატში“ ახალი ჩიპების ფაბრიკა შენდება.

მიჩიგანში დაფუძნებულმა Hemlock Semiconductor-მა, რომელიც ჰიპერ-სუფთა სილიციუმს აწარმოებს ელექტრონიკისა და მზის პანელებისთვის, ბაიდენის ადმინისტრაციისგან CHIPS Act-ის ფარგლებში $325-მილიონიანი ჯილდო მიიღო შტატში ახალი ფაბრიკის ასაშენებლად. Associated Press-ის თანახმად, ეს ნაბიჯი შექმნიდა მოკლევადიან სამშენებლო სამუშაოებსა და 180-მდე საწარმოო სამუშაო ადგილს მიჩიგანის საგინოს ოლქში, რომელიც ბოლო ორი საპრეზიდენტო არჩევნების დროს მთავარი პოლიტიკური ბრძოლის ველი იყო.

მაშინდელი ადმინისტრაციის მაღალჩინოსანმა განაცხადა, რომ თეთრმა სახლმა ჯილდო კომპანიასთან მოლაპარაკებების დასრულების შემდეგ, პოლიტიკური მოსაზრებების გათვალისწინების გარეშე გასცა. მიუხედავად ამისა, დრო საეჭვოდ გამოიყურებოდა, განსაკუთრებით იმის ფონზე, რომ ეს უაღრესად დაძაბული საპრეზიდენტო არჩევნების წინარე პერიოდში ხდებოდა. პოლიტიკური ექსპერტები მაშინ ამბობდნენ, რომ ამ ნაბიჯს, შესაძლოა, დემოკრატებისთვის რესპუბლიკელებზე უპირატესობა მიენიჭებინა.

CHIPS Act-ი ბაიდენის ადმინისტრაციის საინვესტიციო პოლიტიკა იყო ამერიკულ ნახევარგამტარების კვლევაში, განვითარებასა და წარმოებაში. გარდა იმისა, რომ ის აშშ-ის საზღვრებში ჩიპების წარმოების აღორძინებას ეხმარებოდა, მრავალმილიარდიანი დანახარჯებისა და ინვესტიციების პაკეტი ასევე მიზნად ისახავდა ამერიკის ჩინეთზე წინ ყოფნას.

მიჩიგანის გარდა, არიზონა კიდევ ერთი „მერყევი შტატია“, სადაც CHIPS Act-ის მნიშვნელოვანი ინვესტიციები განხორციელდა. ამჟამად, ის მასპინძლობს TSMC Arizona-ს ფაბრიკას, რომელიც, სავარაუდოდ, 2025 წლის პირველ ნახევარში დაიწყებს წარმოებას, ასევე, $20-მილიარდიან Intel-ის ფაბრიკას.

მიუხედავად იმისა, რომ Harris-ი, დემოკრატების კანდიდატი, ბაიდენის საინვესტიციო პოლიტიკას უჭერდა მხარს, ტრამპი გაზრდილ ტარიფებსა და კორპორატიული გადასახადების შემცირებას ანიჭებდა უპირატესობას ჩიპების წარმოების მხარდასაჭერად. როგორიც არ უნდა ყოფილიყო 2024 წლის 5 ნოემბრის არჩევნების შედეგი, Hemlock Semiconductor-ის მიერ აშენებული ახალი ფაბრიკა პირდაპირ სარგებელს მოუტანს საგინოს ოლქისა და მთლიანად მიჩიგანის შტატის მოსახლეობას.

ITNEWS-ის მეგობარი ვებ-გვერდია ITJOBS.GE. ITJOBS.GE-ზე ორგანიზაციებს და ფიზიკურ პირებს, აქვთ საშუალება განათავსონ როგორც ვაკანსები, ტრენინგები და ივენთები ასევე კონკრეტული Tech დავალებები, რისთვისაც ეძებენ დეველოპერებს, დიზაინერებს, სეო სპეციალისტებს და ა.შ. ITJOBS.GE - იპოვე დასაქმების საუკეთესო შესაძლებლობები ან გამოაქვეყნე ვაკანსია / დავალება და მიაწვდინე ხმა სასურველ აუდიტორიას.