DeepComputing-ის $399-იანი AI-კომპიუტერი RISC-V არქიტექტურას იყენებს

RISC-V-ის მთელი ხიბლი AI-ზე მომუშავე „კიდური“ გამოთვლებისთვის.

RISC-V-ის, ღია კოდის ISA-ს, თაყვანისმცემლებს საბოლოოდ შეუძლიათ, ხელში ჩაიგდონ DeepComputing-ის DC-ROMA RISC-V AI PC. გამოშვება ასევე მოიცავს DC-ROMA RISC-V Mainboard II-ის, როგორც Framework Laptop 13-ის შემცვლელის, შეძენის შესაძლებლობას. ამ დროისთვის, კომპიუტერი $399 ღირს და ამჟამად გაყიდულია. თუმცა, დედაპლატის შემცვლელი ვარიანტი ჯერ კიდევ მარაგშია და $359 ღირს.

ეს კომპიუტერი განკუთვნილია მათთვის, ვისაც მეტი პერსონალიზაციის პოტენციალი სურს. მის საფუძველში დევს RISC-V AI SoC, SiFive P550 CPU-ბირთვებით. მას შეუძლია, 50 TOPS-მდე (ტრილიონი ოპერაცია წამში) წარმადობა გამოიმუშაოს AI „კიდური“ გამოთვლებისთვის, საიდანაც 40 TOPS ინტეგრირებულ NPU-ზე მოდის.

RISC-V-ზე დაფუძნებული ეს CPU არის 64-ბიტიანი პროცესორი, ჯამში 8 ბირთვით. ის ბაზარზე ყველაზე სწრაფი არ არის და 2.0 გჰც-მდე სიხშირეს აღწევს, მაგრამ სავსებით საკმარისია სხვადასხვა AI-აპლიკაციისთვის.

ტექნიკური მახასიათებლები

• გრაფიკა: მას აქვს ინტეგრირებული Imagination GPU, რომელიც გამოსახულებას 13.5-დუიმიან მონიტორზე გადასცემს.

• ეკრანი: 13.5-დუიმიან ეკრანს აქვს 2256 x 1504px რეზოლუცია, 60Hz განახლების სიხშირით.

• მეხსიერება: DC-ROMA RISC-V Mainboard II-ის შემცვლელი 32GB ოპერატიული მეხსიერებით გამოდის, თუმცა 64GB-იანი ვარიანტებიც არის ჩამოთვლილი, მაგრამ გაყიდულია.

• ოპერაციული სისტემა: DC-ROMA RISC-V AI Laptop-ს წინასწარ დაყენებული აქვს Ubuntu Desktop 24.04 LTS, მაგრამ შეგიძლიათ, მის ნაცვლად სხვებიც გაუშვათ.

• სხვა: მას აქვს ჩაშენებული აუდიო-მხარდაჭერა ორი 2W-იანი დინამიკით და 3.5მმ-იანი ჯეკით. USB-C ჰაბი უზრუნველყოფს ოთხ USB Type-C პორტს. დამატებითი უსაფრთხოებისთვის ხელმისაწვდომია თითის ანაბეჭდის სკანერი, 1080p ინტეგრირებულ ვებკამერასთან ერთად. მოწყობილობა 55Whr-იანი ბატარეით იკვებება.

ITNEWS-ის მეგობარი ვებ-გვერდია ITJOBS.GE. ITJOBS.GE-ზე ორგანიზაციებს და ფიზიკურ პირებს, აქვთ საშუალება განათავსონ როგორც ვაკანსები, ტრენინგები და ივენთები ასევე კონკრეტული Tech დავალებები, რისთვისაც ეძებენ დეველოპერებს, დიზაინერებს, სეო სპეციალისტებს და აშ. ITJOBS.GE - იპოვე დასაქმების საუკეთესო შესაძლებლობები ან გამოაქვეყნე ვაკანსია / დავალება და მიაწვდინე ხმა სასურველ აუდიტორიას.