TikTok-ის ახალი გამოწვევა — ბავშვები სკოლის Chromebook-ების მოკლე ჩართვას ცდილობენ

მოსწავლეები ცდილობენ, ნახვების გამო ვიდეოზე თავიანთი ლეპტოპებიდან კვამლი აადინონ.

TikTok-ზე საშიში ვირუსული ტრენდი ვრცელდება, რომლის ფარგლებშიც ბავშვები ცდილობენ, თავიანთი Chromebook-ებიდან კვამლი აადინონ, პორტებში უცხო მეტალის საგნების მოთავსებით. ეს საგნები მოიცავს ქინძისთავებს, სკრეპებს, სტეპლერის ტყვიებსა და მაკრატლებს, რომლებიც საკლასო ოთახში ადვილად ხელმისაწვდომია. Ars Technica-ს თანახმად, ბევრმა სასკოლო ოლქმა სწრაფად მიიღო ზომები და კოლორადოს, ნიუ-ჯერსის, ჩრდილოეთ კაროლინასა და ვაშინგტონის შტატებში მშობლებს წერილობითი გაფრთხილებები გაუგზავნეს.

არსებობს მრავალი შეტყობინება მოსწავლეების მიერ ამ გამოწვევის ცდის შესახებ, რაც ზოგჯერ მათი ლეპტოპებიდან კვამლის გამოშვებით ან აალებით სრულდება. და რადგან დაზიანებული ლითიუმის ბატარეების შემთხვევაში აფეთქების მაღალი რისკი არსებობს, ამ ინციდენტებმა გამოიწვია საკლასო ოთახების ევაკუაცია, გაკვეთილების გაუქმება და, ზოგ შემთხვევაში, მეხანძრეების ან სხვა პირველადი რეაგირების სამსახურების გამოძახება. ერთ-ერთ ინციდენტში, მოსწავლემ ლეპტოპში მაკრატელი შეარჭო, რამაც დიდი რაოდენობით ტოქსიკური კვამლის გამოყოფა გამოიწვია. ამის შედეგად, ერთი მოსწავლე კვამლის შესუნთქვის გამო საავადმყოფოში გადაიყვანეს, ხოლო დამნაშავეს ახლა არასრულწლოვანთა სასამართლოში ბრალი ედება.

საშიში ვირუსული ტრენდების ისტორია

ეს არ არის პირველი შემთხვევა, როდესაც საშიში ვირუსული ტრენდი პოპულარულ სოციალურ მედიაში ვრცელდება. წინა წლებში რამდენიმე „გამოწვევა“ გვინახავს, მათ შორის:

• Kia Challenge, რომელიც აჩვენებდა, თუ რა ადვილი იყო Kia-სა და Hyundai-ს გარკვეული მოდელების მოპარვა, რამაც TikTok-ზე პოპულარობის გამო მანქანების ქურდობის ზრდა გამოიწვია.

• Blackout Challenge, რომლის დროსაც ბავშვები პირდაპირ ეთერში იხრჩობდნენ თავს, სანამ გონებას დაკარგავდნენ, რამაც, სამწუხაროდ, რამდენიმე შემთხვევითი სიკვდილი გამოიწვია.

• Penny or Outlet Challenge 2020 წლის დასაწყისში, რომლის დროსაც მონაწილეები შტეფსელს დენცქვიტაში აერთებდნენ და შემდეგ გამოსულ კბილანებზე მონეტას ადებდნენ, რაც მოკლე ჩართვას იწვევდა.

TikTok-ის რეაქცია

TikTok-მა სწრაფად იმოქმედა, როდესაც სიახლე ვირუსულად გავრცელდა და გამოწვევა დაბლოკა. როდესაც სოციალურ პლატფორმაზე Chromebook Challenge-ს ვეძებდით, შედეგი ვერ მივიღეთ. ამის ნაცვლად, მივიღეთ ეს გაფრთხილება: „ეს ფრაზა, შესაძლოა, დაკავშირებული იყოს ქცევასთან ან კონტენტთან, რომელიც ჩვენს წესებს არღვევს. უსაფრთხო და პოზიტიური გამოცდილების ხელშეწყობა TikTok-ის მთავარი პრიორიტეტია.“

გარკვეული შედეგები მივიღეთ, როდესაც ვეძებდით Chromebook durability-ს (Chromebook-ის გამძლეობა), სადაც ზოგიერთი ადამიანი მიზანმიმართულად აგდებდა თავის ლეპტოპებს მყარ ზედაპირებზე ან ღუნავდა მათ, რათა ენახათ, რამდენ ხანს გაძლებდნენ.

ITNEWS-ის მეგობარი ვებ-გვერდია ITJOBS.GE. ITJOBS.GE-ზე ორგანიზაციებს და ფიზიკურ პირებს, აქვთ საშუალება განათავსონ როგორც ვაკანსები, ტრენინგები და ივენთები ასევე კონკრეტული Tech დავალებები, რისთვისაც ეძებენ დეველოპერებს, დიზაინერებს, სეო სპეციალისტებს და ა.შ. ITJOBS.GE - იპოვე დასაქმების საუკეთესო შესაძლებლობები ან გამოაქვეყნე ვაკანსია / დავალება და მიაწვდინე ხმა სასურველ აუდიტორიას.