აშშ-ის სენატორი Intel-ის დირექტორთა საბჭოს CEO ლიპ-ბუ ტანის ჩინეთთან წარსული კავშირების გამო იკვლევს

Cadence-ის სკანდალის ფონზე, ეროვნული უსაფრთხოების საკითხები წამოიჭრა.

ლიპ-ბუ ტანის Intel-ის CEO-დ დანიშვნამ აშშ-ის სენატორ ტომ კოტონს უბიძგა, დეტალურად შეესწავლა მისი წარსული ბიზნეს-კავშირები ჩინურ ტექ-კომპანიებთან — და დაესვა კითხვა, ხომ არ უქმნის ეს კავშირები საფრთხეს Intel-ის როლს ამერიკის თავდაცვასთან დაკავშირებულ მიწოდების ჯაჭვებში. Reuters-ის მიერ გავრცელებული ინფორმაციით, დირექტორთა საბჭოს თავმჯდომარის, ფრენკ იერისადმი, მიწერილ წერილში, კოტონმა იკითხა, შეამოწმა თუ არა საბჭომ ტანის მონაწილეობა ჩინეთის სამხედროებთან კავშირის მქონე კომპანიებში და მოახდინა თუ არა მან ამ აქტივების სრული გასხვისება Intel-ის ხელმძღვანელობამდე.

Intel-ი აქტიურად არის ჩართული ფედერალურ Secure Enclave ინიციატივაში, რომელიც აშშ-ის თავდაცვისთვის მიკროელექტრონიკის უსაფრთხოებას ისახავს მიზნად და თავდაცვის დეპარტამენტთან დაახლოებით $3-მილიარდიანი კონტრაქტი აქვს. კოტონის წერილში დასმულია კითხვა, ხომ არ შეუქმნის ტანის საინვესტიციო ისტორია საფრთხეს Intel-ის ვალდებულებებს ასეთი პროგრამების ფარგლებში.

კონკრეტული ბრალდებები

აპრილში Reuters-ის გამოძიებამ გამოავლინა, რომ ტანმა თავისი ვენჩურული ფირმის, Walden International-ის, მეშვეობით, სულ მცირე, $200 მილიონის ინვესტიცია ჩადო 600-ზე მეტ ჩინურ ფირმაში. რამდენიმე ფირმა დაკავშირებული იყო ჩინეთის სახალხო-განმათავისუფლებელ არმიასთან, მათ შორის, ადრეული ინვესტიციები SMIC-ში და პარტნიორობა სახელმწიფოსთან დაკავშირებულ კომპანიებთან. მიუხედავად აქტივების გასხვისების შესახებ განცხადებისა, ჩინურ მონაცემთა ბაზებში ამ ფირმებიდან ბევრი კვლავ აქტიურ საკუთრებად იყო მითითებული.

ტანი ასევე ხელმძღვანელობდა Cadence Design-ს 2023 წლამდე. Cadence-ი ცოტა ხნის წინ დათანხმდა, ეღიარებინა დანაშაული და გადაეხადა $140 მილიონზე მეტი მას შემდეგ, რაც, ტანის ხელმძღვანელობის დროს, ჩიპ-დიზაინის ინსტრუმენტები მიჰყიდა ჩინურ სამხედრო უნივერსიტეტს, რომელიც ბირთვული სიმულაციის სამუშაოებში იყო ჩართული. კოტონმა კონკრეტულად იკითხა, იცოდა თუ არა Intel-ის საბჭომ იმ სასამართლო უწყებების შესახებ, რომლებიც Cadence-მა ტანის CEO-დ ყოფნისას მიიღო.

Intel-მა უპასუხა და განაცხადა, რომ როგორც კომპანია, ისე ტანი, ეროვნული უსაფრთხოების ერთგულები არიან და საბჭოს გამოძიებასთან ითანამშრომლებენ.

ფართო კონტექსტი

ეს გამოძიება უბრალოდ პოლიტიკური თეატრი არ არის, რადგან Intel-ის ბედი მჭიდროდ არის დაკავშირებული გლობალურ ტექ-პოლიტიკასა და მის ამბიციებთან. ახალი ხელმძღვანელობის პირობებში, Intel-ი ასევე შეეჯახა ინდუსტრიის სპეკულაციებს იმის შესახებ, შეიცვლებოდა თუ არა მისი საწარმოო გეგმები.

ანალიტიკოსების მიერ ტანის, როგორც გამოცდილი ინვესტორის, რეპუტაცია, რომელმაც ჩინეთის ადრეული ნახევარგამტარების ეკოსისტემის მშენებლობას შეუწყო ხელი, Intel-ის აღორძინებისთვის მთავარ ფაქტორად არის შეფასებული. თუმცა, იგივე მემკვიდრეობა ასევე ქმნის ინტერესთა კონფლიქტის შესახებ შეშფოთების საფუძველს, განსაკუთრებით იმის გათვალისწინებით, რომ ტანი ღრმად იყო ჩართული იმ ფირმებში, რომლებიც ახლა ექსპორტის კონტროლსა და სანქციებს ექვემდებარება.

ITNEWS-ის მეგობარი ვებ-გვერდია ITJOBS.GE. ITJOBS.GE-ზე ორგანიზაციებს და ფიზიკურ პირებს, აქვთ საშუალება განათავსონ როგორც ვაკანსები, ტრენინგები და ივენთები ასევე კონკრეტული Tech დავალებები, რისთვისაც ეძებენ დეველოპერებს, დიზაინერებს, სეო სპეციალისტებს და ა.შ. ITJOBS.GE - იპოვე დასაქმების საუკეთესო შესაძლებლობები ან გამოაქვეყნე ვაკანსია / დავალება და მიაწვდინე ხმა სასურველ აუდიტორიას.