ASML-ის Impasto Project-ი ვან გოგის ხელოვნების 3D-ციფრულ ტყუპებს ქმნის, თითო სკანირებაზე 100 გიგაბაიტი მონაცემებით

ადაპტირებული ჩიპების ინსტრუმენტი თითო ნახატზე დაახლოებით 100GB მონაცემს ქმნის.

ASML-მა, მსოფლიოში ყველაზე მოწინავე ჩიპების საწარმოო ინსტრუმენტების მწარმოებელმა, და ვან გოგის მუზეუმმა ითანამშრომლეს 3D-სკანერის დიზაინზე, რათა აღბეჭდონ და შექმნან ნიდერლანდების ყველაზე ცნობილი მხატვრის შედევრების ციფრული ტყუპები. ვინსენტ ვან გოგის მხატვრული სტილი დამახასიათებელი იყო „იმპასტოს“ სტილით, სადაც საღებავი ძალიან სქელ და ტექსტურირებულ ფენად ისმევა. სწორედ აქედან დაიბადა „Impasto Project“, რომლის ფარგლებშიც ASML-მა და მუზეუმის შემქმნელებმა შეიმუშავეს 3D-სკანერი, რომელსაც შეუძლია, მხატვრული დეტალების განსაკუთრებული დონე აღბეჭდოს, თითოეულ ნახატზე დაახლოებით 100 გიგაბაიტი მონაცემებით.

ვან გოგის მუზეუმის კურატორებს ჰქონდათ საოცნებო პროექტი, სადაც მათ შეეძლოთ, შეექმნათ რაღაც, რაც „Google Maps-ი ნახატებისთვის“ იქნებოდა. მათ იფიქრეს, რომ ღირდა, ადგილობრივ ტექ-ტიტან ASML-თან საუბრის დაწყება და გაუმართლათ, რადგან წამყვანი ჩიპების ინსტრუმენტების მწარმოებელი ავითარებს ტექნოლოგიებს, რომლებიც, შესაძლოა, გასაკვირად, გამოსადეგი აღმოჩნდეს ნახატების დეტალური 3D-სკანირებისთვის.

მიუხედავად იმისა, რომ პარტნიორობა 2017 წელს, თავდაპირველად, უჩვეულოდ ჟღერდა, როგორც ვან გოგი, ისე ASML-ი ნიდერლანდების სიმბოლოები არიან. მეტიც, „ASML-ში ჩვენ მხოლოდ ჩიპების მანქანებს არ ვქმნით,“ — განმარტა ASML-ის კვლევების მეტროლოგიის ხელმძღვანელმა, მაარტენ ფონკენმა. „ჩვენ ასევე ვქმნით აღჭურვილობას, რათა გავზომოთ, რამდენად ზუსტია ეს მანქანები.“ ეს ტექნოლოგია ნახატების 3D-სკანირებისთვის საოცრად გამოსადეგი აღმოჩნდა.

როგორ მუშაობს სკანერი?

Impasto Project-ის აპარატურა, არსებითად, პატარა, ფეხსაცმლის ყუთის ზომის სკანერია, რომელსაც ჩარჩოში ჩასმული რელსებიანი სისტემა მართავს. ეს გამოსახულების მიღების პროცესი თითოეული ნახატის ათობით სეგმენტის ფოტოს იღებს. თითოეული კონკრეტული უბნის ფოტო ოთხჯერ, კამერის ოდნავ განსხვავებული კუთხით, გადაიღება.

ეს მრავალფეროვანი მონაცემები, რომლებიც ერთი და იმავე გამოსახულების სეგმენტს წარმოადგენს, სპეციალურ პროგრამას საშუალებას აძლევს, გამოთვალოს საღებავის სხვადასხვა სისქე წარმოქმნილი ჩრდილების მიხედვით.

ASML-ის საზომი აღჭურვილობა ნანომეტრის დონეზე ზუსტია, ასე რომ, ეს 3D-სკანირების ინსტრუმენტი დაახლოებით 100,000-ჯერ უფრო დიდ მასშტაბზე მუშაობს. მიუხედავად ამისა, აპარატურისა და პროგრამული უზრუნველყოფის მნიშვნელოვანი მორგება გახდა საჭირო.

ციფრული ტყუპების გეგმების გარდა, სკანერი ასევე შეიძლება გამოყენებულ იქნას ნახატების შემოწმების პროცესის ავტომატიზაციისთვის, სანამ და მას შემდეგ, რაც ისინი სხვა ინსტიტუციებში გაიცემა. ამ ახალი ინსტრუმენტის წყალობით, კურატორებს შეუძლიათ, შეამოწმონ გადატანის, ტემპერატურისა და ტენიანობის ცვლილებების ეფექტები.

სხვა მუზეუმები მთელ მსოფლიოში, როგორც ჩანს, დაინტერესებულნი არიან Impasto Project-ის ტექნოლოგიით, მაგრამ ASML-მა პროექტის ინტელექტუალური საკუთრების კონტროლი ვან გოგის მუზეუმს დაუტოვა.

ITNEWS-ის მეგობარი ვებ-გვერდია ITJOBS.GE. ITJOBS.GE-ზე ორგანიზაციებს და ფიზიკურ პირებს, აქვთ საშუალება განათავსონ როგორც ვაკანსები, ტრენინგები და ივენთები ასევე კონკრეტული Tech დავალებები, რისთვისაც ეძებენ დეველოპერებს, დიზაინერებს, სეო სპეციალისტებს და ა.შ. ITJOBS.GE - იპოვე დასაქმების საუკეთესო შესაძლებლობები ან გამოაქვეყნე ვაკანსია / დავალება და მიაწვდინე ხმა სასურველ აუდიტორიას.