MIT-ს ინჟინრებმა შექმნეს 3D-ნაბეჭდი იმპლანტი, რომელსაც წამლის დისტანციურად გამოშვება შეუძლია

ჩიპის უსადენოდ გააქტიურება შესაძლებელია, რათა მან გადმოადნოს შენადნობი, რომელიც ფხვნილისებრ გლუკაგონს გამოათავისუფლებს. 3D-ნაბეჭდი მედიცინის შემზარავი, მაგრამ მომხიბლავი მომავალი უკვე აქ არის.

მასაჩუსეტსის ტექნოლოგიური ინსტიტუტის (MIT) ინჟინრები, გუნდის ლიდერ სიდჰარტ კრიშნანთან ერთად, 3D-ნაბეჭდი მედიცინის სფეროში გზას კვალავენ. გუნდმა ცოტა ხნის წინ შექმნა ჩიპი 3D-პრინტერით დაბეჭდილი კომპონენტით, რომლის იმპლანტირებაც კანქვეშაა შესაძლებელი. ამ 3D-ნაბეჭდ მექანიზმს შეუძლია, გამოათავისუფლოს სამკურნალო შიგთავსი, როდესაც მოწყობილობა უსადენო ბრძანებით აქტიურდება.

MIT-ს მიერ გავრცელებული ინფორმაციის თანახმად, ამ ტექნოლოგიას მედიცინის რამდენიმე სფეროში აქვს პოტენციური გამოყენების შემთხვევა. მაგალითად, მოწყობილობა შეიძლება გამოყენებულ იქნას დიაბეტით დაავადებული პაციენტების დასახმარებლად, რათა მათ ავტომატურად მიიღონ წამლის კრიტიკული დოზები, როდესაც ეს სჭირდებათ.

როგორ მუშაობს იმპლანტი?

დიაბეტით დაავადებული პაციენტების შემთხვევაში, ჩიპი შექმნილია იმისთვის, რომ ფხვნილისებრი გლუკაგონი 3D-პრინტერით დაბეჭდილ რეზერვუარში შეინახოს. პაციენტის სისხლში შაქრის დონის მონიტორინგი ცალკე და დისტანციურად არის შესაძლებელი. თუ სისხლში შაქრის დონე ზედმეტად დაეცემა, ჩიპის უსადენოდ გააქტიურებაა შესაძლებელი, რათა მან გლუკაგონი გამოათავისუფლოს.

3D-პრინტერით დაბეჭდილი რეზერვუარი დახურულია ნიკელ-ტიტანის შენადნობით. ჩიპის დაპროგრამება შესაძლებელია ისე, რომ უსადენო სიგნალის მიღებისას ეს შენადნობი გააცხელოს, რაც იწვევს მის U-ფორმად მოხრას. ეს ათავისუფლებს წამალს პაციენტის სხეულში. ამ მომენტისთვის ჩიპი შემუშავების პროცესშია, მაგრამ ის უკვე საკმარისად განვითარებულია, რომ მრავალჯერადი დოზების მხარდაჭერა ჰქონდეს.

გუნდმა დაადასტურა, რომ მათ შეძლეს ერთ ჩიპზე გლუკაგონის ოთხამდე დოზის გამოყენება, რომელმაც ტესტირების პროცესში ოთხი კვირა გაძლო. ისინი იმედოვნებენ, რომ ამ ხანგრძლივობას ერთ წლამდე გაზრდიან. ამჟამინდელი მოდელები თაგვებზე ცდებს გადის, მაგრამ გუნდი გეგმავს, რამდენიმე წელიწადში ადამიანებზე კლინიკური კვლევებიც დაიწყოს.

ITNEWS-ის მეგობარი ვებ-გვერდია ITJOBS.GE. ITJOBS.GE-ზე ორგანიზაციებს და ფიზიკურ პირებს, აქვთ საშუალება განათავსონ როგორც ვაკანსები, ტრენინგები და ივენთები ასევე კონკრეტული Tech დავალებები, რისთვისაც ეძებენ დეველოპერებს, დიზაინერებს, სეო სპეციალისტებს და ა.შ. ITJOBS.GE - იპოვე დასაქმების საუკეთესო შესაძლებლობები ან გამოაქვეყნე ვაკანსია / დავალება და მიაწვდინე ხმა სასურველ აუდიტორიას.