MIT-ს მკვლევრებმა შუშის 3D-ბეჭდვის ტექნოლოგია შექმნეს, რომელიც დაბალ ტემპერატურაზე მუშაობს

ამ პროექტმა ჩვენს მოლოდინებს გადააჭარბა.

მასაჩუსეტსის ტექნოლოგიური ინსტიტუტის (MIT) ლინკოლნის ლაბორატორიის მკვლევრები მსოფლიოს უჩვენებენ, რომ 3D-ბეჭდვის სამყაროში ჯერ კიდევ უამრავი ახალი ინოვაციაა მოსალოდნელი. ჩვენ გვინახავს ისეთი სახალისო 3D-პრინტერები, როგორიცაა Cocoa Press-ი, რომელიც შოკოლადს ბეჭდავს, მაგრამ ეს პირველი შემთხვევაა, როდესაც ვინმეს მიერ შუშით 3D-ბეჭდვის პროცესს ვხედავთ.

შუშისგან ნივთების ჩვეულებრივი მეთოდით დამზადებისას, საჭიროა უკიდურესად მაღალი ტემპერატურა არა მხოლოდ შუშის ფორმის მისაცემად, არამედ საბოლოო ქმნილების მოსაწვავად. გამდნარი შუშის მსგავსი ცხელი მასალის მანქანაში გატარების იდეა არაგონივრულად რთულად ჟღერს, და ეს ასეცაა. სწორედ ამიტომ, MIT-ს გუნდმა შეიმუშავა ახალი ტექნიკა, რომელიც გუნდს საშუალებას აძლევს, შუშის სტრუქტურები გაცილებით დაბალ ტემპერატურაზე აწარმოოს.

MIT-ს გუნდის თანახმად, მათი ახალი ტექნიკა შესაძლებელს ხდის, შუშისგან ისეთი ნივთები დაიბეჭდოს, რომელთა შექმნაც ტრადიციული საშუალებებით სხვაგვარად შეუძლებელი იქნებოდა. ისინი იმედოვნებენ, რომ ახალი აღმოჩენა ადამიანებს გაუადვილებს შუშის მრავალფეროვანი მოწყობილობების წარმოებას და მაგალითებად მოჰყავთ მაღალტემპერატურული ელექტრონული კომპონენტები და მიკროფლუიდური სისტემები.

როგორ მუშაობს ტექნოლოგია?

გუნდი შუშაზე დაფუძნებულ ფილამენტს არაორგანულ კომპოზიტურ მინას უწოდებს, ხოლო საერთო პროცესი ცნობილია, როგორც დაბალტემპერატურული დანამატებითი წარმოება. ეს მასალა, როგორც ჩანს, წყვეტს სხვა ფილამენტებში არსებულ სტაბილურობის პრობლემებს და, ამავდროულად, სტრუქტურული მრავალფეროვნების კუთხით მოქნილობას ინარჩუნებს.

ეს არაორგანული კომპოზიტური მინა დამზადებულია არაორგანული მასალებისგან, რომელთა შორისაც გუნდმა ნანონაწილაკები და სილიკატური ხსნარი დაადასტურა. მას შემდეგ, რაც შუშის ფილამენტი დაიბეჭდება, ის თავსდება ზეთის აბაზანაში, სადაც ტემპერატურა შემდეგ 250°C-მდე იზრდება. შემდეგ კი, ორგანული გამხსნელი გამოიყენება ნაბეჭდიდან ნებისმიერი ნარჩენის გასაწმენდად.

არ ველით, რომ შუშის ფილამენტს მაღაზიების თაროებზე მალე ვიხილავთ, მაგრამ საინტერესოა იმის ცოდნა, რომ ეს შესაძლებლობა არსებობს და მასზე აქტიურად მუშაობენ.

ITNEWS-ის მეგობარი ვებ-გვერდია ITJOBS.GE. ITJOBS.GE-ზე ორგანიზაციებს და ფიზიკურ პირებს, აქვთ საშუალება განათავსონ როგორც ვაკანსები, ტრენინგები და ივენთები ასევე კონკრეტული Tech დავალებები, რისთვისაც ეძებენ დეველოპერებს, დიზაინერებს, სეო სპეციალისტებს და ა.შ. ITJOBS.GE - იპოვე დასაქმების საუკეთესო შესაძლებლობები ან გამოაქვეყნე ვაკანსია / დავალება და მიაწვდინე ხმა სასურველ აუდიტორიას.