Peacemaker-ის მე-2 სეზონის თრეილერი ჩვენს ანტიგმირს პარალელურ სამყაროში გვიჩვენებს

„მეტი აღარ მინდა მასხარა ვიყო. მინდა, ნამდვილი გმირი გავხდე.“

ამ შაბათ-კვირას, San Diego Comic-Con-ზე, HBO Max-მა Peacemaker-ის მეორე სეზონის მოუთმენლად ნანატრი სრული თრეილერი წარადგინა — ჯეიმს განის Emmy-ზე ნომინირებული სერიალის, რომელიც მისი 2021 წლის ფილმის, The Suicide Squad-ის, სპინ-ოფია.

(ყურადღება: სპოილერები 1-ლი სეზონიდან)

შეგახსენებთ, პირველი სეზონის მოქმედება The Suicide Squad-ის მოვლენებიდან ხუთი თვის შემდეგ ვითარდებოდა. სასიკვდილო ჭრილობისგან გადარჩენილ Peacemaker-ს — იგივე კრისტოფერ სმიტს — აშშ-ის მთავრობა ახალი მისიისთვის, იდუმალი „პროექტი პეპელასთვის“, დაიქირავებს. გუნდმა საბოლოოდ წარმატებით დაამარცხა უცხოპლანეტელი პარაზიტი პეპლების რასა.

მეორე სეზონში ბრუნდებიან ჯონ სინა, დანიელ ბრუქსი, ჯენიფერ ჰოლანდი და სტივ ეიჯი. ახალ მსახიობებს შორისაა ფრენკ გრილო, რომელიც რიკ ფლეგ უფროსის როლს შეასრულებს — ის A.R.G.U.S.-ის ახალი ხელმძღვანელია და შვილის სიკვდილისთვის შურისძიება სურს.

პირველი სეზონის მოვლენები ძველ DCEU-ში განვითარდა, მეორე სეზონი კი ახალ DCU-ში ვითარდება, მაგრამ განის თქმით, წინა მოვლენები მაინც კანონიკურად ითვლება. მეორე სეზონი განის „ღმერთებისა და მონსტრების“ თავის ნაწილია; სინას Peacemaker-მა Superman-ში ხანმოკლე კამეოც კი შეასრულა.

რას გვიმხელს ახალი თრეილერი?

ახალი თრეილერი გვიჩვენებს, რომ კრისი ცდილობს, ნამდვილი გმირი გახდეს და წარსულის ცოდვები გამოისყიდოს, მაგრამ საკუთარ რეალობაში წარმატებას ვერ აღწევს. ამიტომ, ის გადაწყვეტს, ახალი ცხოვრება დაიწყოს პარალელურ სამყაროში, სადაც მისი ალტერნატიული ვერსია უკვე საყვარელი გმირია. მაგრამ წარსული მას იქაც კი თან სდევს. როგორც ჰარკორტი ეუბნება: „რაც არ უნდა მწვანე იყოს ბალახი იქით, შენი ადგილი აქ არის. ჩვენთან.“

„მე ნამდვილად მომწონს სერიალები, სადაც პერსონაჟები ყოველ სეზონზე უცვლელად არ ბრუნდებიან. მე მინდა, ვნახო ზრდა, ცვლილება და ზოგჯერ რეგრესიაც,“ — თქვა განმა SDCC-ის პანელზე. „და Peacemaker-ი წელს სხვა ადამიანია. ის ებრძვის დემონებს, რომლებიც პირველ სეზონში აღმოაჩინა, სამყარო კი მას ისეთად არ იღებს, როგორიც ის არის. ისინი მას გმირად არ აღიქვამენ.“

Peacemaker-ის მეორე სეზონი HBO Max-ზე 2025 წლის 21 აგვისტოს დაიწყება.

ITNEWS-ის მეგობარი ვებ-გვერდია ITJOBS.GE. ITJOBS.GE-ზე ორგანიზაციებს და ფიზიკურ პირებს, აქვთ საშუალება განათავსონ როგორც ვაკანსები, ტრენინგები და ივენთები ასევე კონკრეტული Tech დავალებები, რისთვისაც ეძებენ დეველოპერებს, დიზაინერებს, სეო სპეციალისტებს და ა.შ. ITJOBS.GE - იპოვე დასაქმების საუკეთესო შესაძლებლობები ან გამოაქვეყნე ვაკანსია / დავალება და მიაწვდინე ხმა სასურველ აუდიტორიას.